Rojnameger Ehmedî ra 49 rojî yo xebere nîna girewtene
sêşem 12 kanûnê 2023 - 09:47
Awiqatan çend rey muracat kerdo la rojnameger Suleyman Ehmedî ra xebere nêameya girewtene.
Edîtorê Rojnewsî rojnameger Suleyman Ehmeed, 25ê Teşrîna Verêne de Berê Sînorî yê Pêşxabûrî de hetê asayîşê PDKyî ra ame girewtene û 49 rojî yo cira xebere çin a.
Dîyar bîyo ke destê Parastinî de yo
Awiqatanê Ehmedî ra Nerîmam Ehmede dîyar kerd ke Asayîşê Dihokî vato cipersayîş dewam keno û înan nêverdayo awiqatî muwekîlê xo bivînê. Ehmede dîyar kerd ke dosya ha ya kontrolê sazîya îstîxabaratê PDKyî Parastinî de.
Heta nika koma awiqatan ra 10î ra zêderî muracatî ameyê kerdene la nêşkayê Ehmedî bivînê û heta nika îdarekaranê PDKyî derheqê rewşa Ehmedî de çîyêk pare nêkerdo.
MERKEZÊ XEBERAN
parvê bike
Nûçeyên ku dikare bala we bikşîne
