Birca Beleke de qeydê dewrê neweyî dest pêkerdê

Hemserekê Komeleya Ziwan û Kulturî ya Birca Beleke Cahît Akilî dîyar kerd ke wa ciwanî wayîrê ziwan û kulturê xo bivejîyê.

Komeleya Ziwan û Kulturî ya Birca Beleke 2019î ra nat Cizîr de xebatanê xo ramnena. Heta ewro perwerdeyê ziwan û muzîkî dîya xeylê wendekaran. Komele seba kursanê hamnanî qeydan gena. Hemserekê komaleye Cahît Akilî dîyar kerd ke dewrê vîyerteyî de sertîfîkayî dîyayê 40 wendekaran û seba dewrê neweyî gazîye kerde.

‘Ganî ziwanê dayîke rê wayîr bivejîyo’

Akilî va, “Muracatê ma yê kursanê hamnanî dewam kenê. Ma do seba domanan sinifêka newîye akerê. Sewbîna kursê ma yê muzîkî zî estê. Seba musayîşê ziwanî û kulturî no firsendêko. Seba ke wayîrê ziwan û kulturê xo bivejîyê ganî kursan rê muracatî bêrê kerdene.”

Ziwan estuna neteweyî ya

Akilî bale ante muhîmîya ziwanî û va, “Ziwan eynî wext de estuna neteweyî ya. Eke hema zî ma qedir nêdanê ziwanê xo, naz î kêmanî ya ma ya. M abi resmî nêşkenê ziwanê xo de perwerde bigerê. Tena dersa weçînitîye esta û naz î qîm nêkena. Wa ciwanê ma ziwanê x ora dûrî mekewê. Eke ziwanê ma aver de şoro, do edebiyat, huner û kulturê ma zî aver de şorê. Ganî bitaybetî ciwanî û domanî muracatê kursanê ma bikerê.”

MA / ŞIRNEX