Zîndanê Xarpêtî de îşkence esto

Zîndanê Xarpêtî de gardîyanan 15 tepişteyan rê îşkence kerdo.

Zîndanê Xarpêtî ra tepişte Lokman Aslan (40) bi telefonî gêra keyeyê xo û înan rê vato ke gardîyanan 15 tepişteyan rê îşkence kerdo.
Aslanî vat: “Werdeyê zîndanî zaf xirab ê. Taşte de teyna di zeytûnî, loqmayêka peynîr û nanî dîyena. Her şewe gardîyanî erzenê koxûşan ser û tay sereştişan de pê awe şîdet kenê. Ma vera nê kerdişan nêrazîbîyayîşê xo mojna. Bi na bahane gardîyanan reyna 15 tepişteyan rê îşkence kerd.”
Birayê Aslanî Suat Aslanî zî da zanayene ke di serran ra dima reya verêne hewteyêkî verî înan birayê xo de pêvînayîş kerdo û vat: “Ma teyna 20 deqayan yewbînî dîyî. Tepişteyî keyeyanê xo ra sewqê cayê dûrî yenê kerdene. Her roje tedaya tepişteyan yena kerdene. Ma venga selahîyetdaran danê ke çarçewa huqûq û heqî de nêzdîyê tepişteyan bibê.”
 
XWEBÛN