Ahmet Turk: Ma ganî her rewşe de wayîrê nasnameyê xo bivejîyê

Ahmet Turk, Qoser de xabata weçînayîşî de qisey kerd û dîyar kerd ke, ganî şar her rewşe de wayîrê estbîyayîş û nasnameyê xo bivejîyo.

Xebatê weçînayîşî yê Partîya Çep a Keske bajar bi bajar, dewe bi dewe dewam kenê. Parlamentoya HDPyî ya Mêrdînî û sîyasetmedar Ahmet Turk Mêrdîn de beşdarê xebatanê weçînayîşî bîyê. 

Qoser de bi tedeyîya xebatanê weçînayîşî têhetameyîşêk ame viraştene. Tîya de sîyasetmedar Ahmet Turk qisey kerd û va, “Timûtim wazenê ma esîr bigerê. La wa bizanê ke şaro kurd çirey bêveng nêmaneno û her wext seba azadîya xo xoverdayîşê xo ramneno. Çîyê ke tîya de benê, hetê dişmenanê ma ra Rojava de zî yenê kerdene. Ma naye vînenê. Ewro vera pêro kurdan dişmenîye yena kerdene. Ma zî vanê hinî bes o. Ma ganî her rewşe de wayîrê estbîyayîş û nasnameyê xo bivejîyê. Ma zanê ke şarê ma timûtim her rewşe rê hedre yo. Şarê ma do cewabê xo bido înan.”

YENÎ YAŞAM