Amed de 3 hezar 352 bînayî bi giran xesarin ê

Goreyê malûmatanê Platformê Paştîdayîş û Pawitişî yê Bajarî, Amed de 3 hezar 352 bînayan erdlerze ver xesaro giran girewto.

Amed de xebatê tespîskerdişê xesarî hema-hema qedîyayê. Hetê Platformê Paştîdayîş û Pawitişê yê Bajarî yê Amedî ra medyaya sosyale ser ra ame vatiş ke, “Merkezê Amedî û qezayan de xebatê tespîtkerdişê xesarî qedîyayê. Tayê mehlayanê kiştî de xebatî dewam kenê.”

Goreyê malûmatanê platformî; 159 hezar 132 bînayan de cigêrayîşî ameyê kerdene, 22 bînayî rijîyayê, ganî 66 bînayî bêrê rijnayene, 3 hezar 352 bînayî bi giran xesarin ê, 2 hezar 828 bînayî orte xesarin ê û 32 hezar 852 bînayî zî kêm xesarin ê. Goreyê parekerdişê platformê, 97 hezar 383 bînayan de xesar çin o û 13 hezar 842 bînayî erjnayîşî ra teber ameyê girewtene. Goreyê malûmatan, 2 hezar 892 bînayan de tespîtî nêameyê kerdene û 6 hezar 895 bînayî seba ke kilîtkerde yê tede xebatê tespîtê xesarî nêbîyê.

MA / AMED