Bakûr û Rojnameyê Sûrîyeyî de rêznameyê Muqaveleyê Komelkîyî ame hedrekerdiş

4 rojî kombîyayîşî ameyê kerdene û rêznameyê Muqaveleyê Komelkîyî ame hedrekerdiş.

Komîteya Muqaveleyê Komelkîyî ya Îdareyê Xoserî, 2 serranê peyênan de şaranê mintiqa û sazîyan reyde xeylê kombîyayîşî kerdê. Ameyo dîyarkerdiş ke komîte kombîyayîşê xo temam kerdê.

Kombîyayîşê peyênî yê komîte, bi 158 endaman awanîya Îdareyê Xoserî yê Bakur û Rojhelatê Sûrîyeyî de ame kerdene. Hiqûqnasî, sîyasetmedarî, roşnvîrî, rêxistinê kolmelê sivîlî, temsîlkarê îdareyê xoserî û temsîlkarê şaranê Kurd, Ermenî, Tirkmen, Sûryanî, Asûrî û Çerkezî bîyê beşdar. Kombîyayîşî de 99 madeyê muqaveleyî ameyê nîqaşkerdiş û rasayê halê xo yê peyênî.

Derheqê babete de endamê Komîteya Hîrayî ya Muqaveleyê Komelkîyî Îmad El Kerafî ANHAyî rê qisey kerd û va, “4 rojî fikrê şarî û pêşnîyazê înan ê ke bingeyê muqaveleyî awan kenê ameyê nîqaşkerdiş. Peynîya kombîyayîşan de halê peyên yê muqaveleyî ame dîyarkerdiş û rêznameyê ci seba ke bêro qebûlkerdiş Meclîsê Pêroyî rê erşawîya.

MERKEZÊ XEBERAN