Baram: Tirkîya hiqûqê mîyanneyewîyî binpay kena

Endamê Buroya Şehîdan a YNKyî Hesen Baramî va, “Kurdî ganî vera qetlîaman hedrekarîya xo bikerê.”

Endamê Buroya Şehîdan a YNKyî Hesen Baramî derheqê hêrîşanê Tirkîya yê Kurdistanê Başûrî de qisey kerd.

Hesen Baramî va, “Kurdî vanê beno ke qetlîamî bi Enfalî qedîyayê. No fikrêko şaş o. Kurdî ganî hedrekarîya xo bikerê. Talukeyê îşxalî û qetlîaman esto. Nika Kerkuk, Xûrmatû, Xaneqîn, Şengal û Maxmûrî de hêrîşî dewam kenê û hêrîşê Tirkîya yê îşxalkarîye zî dewam kenê.”

Dewamê malûmatê xo de Hesen Baramî va, “Tirkîya hiqûqê mîyantetewîyî binpay kena. Nê pêro vera Kurdan qetlîam ê. Hetê Tirkîya ra erdê Kurdistanî ameyo îşxalkerdiş. No raşta zî tehdîdêko pîl o. Tarîxî de timûtim Tirkîya çim verdayo Kurdistan û erdê Kurdan hetê înan ra îşxal û talan bîyo.”

MERKEZÊ XEBERAN