Tirkîya Biradost de baregehêka eskerî ya neweye viraşte

PDKyî wareyanê Biradostî ra koçerî vetê û dima bi paştîdayîşê PDKyî Tirkîya uca de baregehêka eskerî ya neweye viraşte.

Par aşma Nîsane ra nata vera Mintiqaya Kurdistanî yê Federale rê hêrişê Tirkîya dewam kenê. Hêrişî bi paştîdayîşê PDKyî yenê kerdene û hetêk ra zî baregehê eskerî yenê awankerdene. 

100 eskerî ameyê mintiqa

Goreyê xebera çapemenîya YNKyî, Tirkîya mintiqaya Biradostî de baregehêka eskerî ya neweye viraşte. Tirkîya bin a baregehe 10 km kewta mîyanê sînoranê Mintiqaya Kurdistanî. Goreyê xebere, hetê 100 eskeran r ana baregehe ameye awankerdene û nê eskerî baregehe de bi ca biyê.

Koçerî mintiqa ra ameybî vetene

13ê Êlule 2023yî de wesayîtê zirxinî yê PDKyî şîbî mintiqaya Biradostî. Verî ke ê şorê uca 24 saetî muhlet dîyabi koçeran û ameybî tehtîdskerdiş ke mintiqa ra vejîyê. 

Yeno dîyarkerdiş ke 286 keyeyan tedayanê PDKyî ra dima her çîyê xo caverdayo û mintiqa ra vejîyayê.

Do xeylê cayî bikewê binê kontrolê Tirkîya

Baregehêka neweye mintiqaya Durîye de ya. Tîya sînorê Xakurkê yo û warê Tarstan, Kem Kora, Sinîn Lolanî kewenê binê kontrolê Tirkîya.
Heto bîn ra teyarayê şerî û yê keşfî yê Tirkîya her roje mintiqaya Biradostî danê bombayan ver.

YENÎ YAŞAM