Bîlgîn Çewlîg de ame definkerdene

Mehmet Hanefî Bîlgîn o ke hepisxaneyê Boluyî de qetilkerdene Dara Hênîyê Çewlîgî de ame definkerdene.

Xeylê merdimî şîyê cenaza ver a. Cenaze binê ablûkayê polîsan de rasaye Dara Hênî. Badê caardişanê wecîbeyanê dînîyan cenaze mezelcayê qezaye de ame wedartene. HDPyî ra xeylê kesî, wekîlî û xeylê merdimî cenaze de cayê xo girewtê. Ezayî mehleya Yenîşehîrî de ameye ronayene. Mehmet Hanefî Bîlgîn, sebebanê sîyayîyan ra 1992yî ra nat zindan de bi. Vejîyayîşê ey rê 5 aşmî mendibî la çi heyf ke zindan de ame kiştene. Îdereyê hepisxaneyî îdîa kerde ke Bîlgîn krîzê qelbî ver merdo.

ÇEWLÎG