Girewteyî dest bi greva veşanîye kenê

Girewteyê PKK û PAJKijî do 27ê Teşrîna Peyêne ra heta 15 Sibate çalakîye greva veşanîye biramnê.

Bi nameyê girewteteyanê PKK û PAJKijan hetê Denîz Kayayî ra eşkerayîye ameye kerdene. Kayayî dîyar kerd ke ê do paştî bidê kampanyaya ‘Abdullah Ocalanî rê azadî, meseleya Kurdan rê çareserîye’ û 27ê Teşrîna Peyêne ra heta 15 Sibate çalakîya greva veşanîye bikerê.

‘Ma 3 serrî yo xebere nêgenê’

Eşkerayîye de ame vatene ke, “Tecrîd, roja verêne ya esaretî ra nata 25 serrî yo yeno ramitene. Xoverdayîşo esasî Îmrali de yeno ramitene. 2015î de berê Îmraliyî ameyê girewtene û konseptê şerî dest pêkerd. Komploya mîyanneteweyî dewam kena. Bi esaretîya rayberîye hamleyêko stratejîk ameyo kerdene. Hêzanê mîyannetewîyan dîzaynêko newe awankerdenê û înan nêwaştêne kes vera înan bivejîyo.”

‘Ma keyfweş ê ke ma paştî danê na kampanya’

Dewamê eşkerayîye de ame vatene ke, “Hetê şaran ra paştî dîyena kampanyaya ‘Abdullah Ocalanî rê azadîye, meseleya Kurdan rê çareserîye’. No hem keyfweşîye peyda keno hem zî qerardarîyêke temsîl keno. Rejîmo faşîst ma ra vano teslîm bibê û raya pêroyîya demokratîke ser de tedayan ramneno. Şertî çend şonê benê giran û tecrîd zî giranêr beno. Ma çalakîyanê nê prosese zehmetî zerrî ra hîs kenê. Ma do bawerîya xo ya têduştîye û azadîye ra çirey fek rameverdê û ma do bi qerardayîya xo bibê layiqê îdealanê xo.”

MERKEZÊ XEBERAN