Cinazaya Kayayî 2 serrî yo nîna dayene

Omer AKIN / MA / WAN

Kasim Kaya Agirî de cuya xo vîndî kerde û 2 serrî yo cinazaya ci nîna dayene. Waya ci Hanim Kaya va, “Dewlete, cinazayan ser ra sîyaset kena.”

2015ê ra pey şer reyna bi gur û kesê kê cuya xo vîndî kenê, cinazaya înan nêdîyena keyeyanê ci. Cinazayî ATKyan de yenê girewtene û verê ke nasnameyê înan tespît bibê, mezelcayanê bêwayîran de yenê definkerdiş.

2 serrî yo ke cinazaya xo pawenê

Kasim Kaya(Şoreş Andok), 2012î de beşdarê HPGyî bi û 21ê Temûze 2021î de Panos de pêrodayîşêk de cuya xo vîndî kerde. Keyeyê ci 2 serrî yo her rayîr ceribnayo ke cinazaya xo bigerê la nêşkenê cinazaya xo bigerê. Waya ci Hamim Kayaderheqê prosesî kerd. Waye va, “Testê DNAyî ra dima 6-7 aşmî malumatêk nêdîya ma. Ma reyna muracat kerd û sawcitîye va seba ke zarfê testî akerde ameyo destê ma, ma kewtê şik. Ma 2022yî de reyna test da la hende ser ra vîyarto û hema zî netîceyêk çin a.”

‘Cinazayî bizanayîş nînê dayene’

Kaya va, “Wazenê keyeyî cinazayan bipawê, şînê înan derg bo û tesîrdar bibê. Bizanayîş cinazayî nînê dayene. Ma hetê merdimîye ra bierjnê no nîno qebûlkerdene. Qet yew dînî de zî çîyêko winasî çin o. Na bêwijdanîye ra wet çîyêkna nîya.”

‘Cinazayan ser ra sîyaset yeno kerdene’

Kaya peynî de va, “Dewlete, cinazayan ser ra sîyaset kena û bin o qeyde keyeyan rê zî îşkence kena. Nêverdenê keyeyî domananê xo defin bikerê û ezayîya înan ronê. Tena waştişêkê ma esto û ma cinazaya xo wazenê. 10 serrî zî bivîyerê ma reyna zî cinazaya xo nêverdenê. Cinazayan mezelcayê bêwayîran de defin kenê. Birayê mi bêwayîr nîyo û ma do çirey ey caneverdê. Rewşa ma de xeylê keyeyî estê. Ez înan rê zî gazîye kena ke wa cinazayanê xo cameverdê û wa wayîrê cinazayanê xo bivejîyê.”