Dadîya Suleyman Ehmedî: Wa PDK malumat bido mi

Rojnameger Suleyman Ehmedî ra 77 rojî yo xebere çin a. Dadîya Ehmedî va, “PDK çira malumat nêdano mi? Ez wazena aqîbetê lajê xo bimusî.”

Rojnameger Suleyman Ehmed, 25ê Teşrîna Verêne de Berê Sînorî yê Pêşxabûrî de hetê asayîşê PDKyî ra ame girewtene. Edîtorê Rojnewsî Ehmedî ra 77 rojî yo xebere nîna girewtene.

‘Ez wazena vengê ey bieşnawî’

Dadîya Ehmedî Sultane Ehmede dîyar kerd ke heta nika malumatêk nêdîyayo înan û va, “Ez wazena lajê xo ra xeberêke bigerî. PDKyî çira lajê girewto binê çimî, çira malumatêk nêdanê mi? Zerra mi veyşena. Lajê mi dizdî nêkerda, kesî nêkişto. Karê ey dîyar o. Lajê mi Kurd o, rojnameger o û domanê nê erdî yo. Ez wazena aqibetê lajê xo bimusî.”

Rêxistinanê rojnamegerîye rê gazîye

Apê Ehmedî Mustafa Ehmedî va, “Aşmî vîyartê la hîna zî ma xebere nêgirewta. Kes derheqê rewşa ci de malumatan nêdano ma. Ma wazenê cade wa malumatî bidîyê ma. Ganî rêxistinê rojnamegerîye bêveng memanê û wayîrê ci bivejîyê.”

YENÎ YAŞAM