DBPyî kongreya xo viraşte

Kongreya awarte ya DBPyî de Salîha Aydenîze û Keskîn Bayindir reyna hemserekîye rê ameyê weçînayîş.

DBPyî, kongreya xo ya 5ine Enqera de viraşte. Delegasyonê DBPyî, îdarekarê HDPyî, Meclîsê Dayîkanê Haştîye, rêxistinê sivîlî û xeylê kesî bîyê beşdarê kongre.

‘Ma do haştîye bîyarê nê erdan ser’

Hemsereka HDPyî ya Enqerayî Pakîze Sînemîllîogluye kongre de qisey kerd û va, “Neheqî û bêedeletîyî nêqedîyenê û ma zî vera înan bi hêvîya xo û bi zerrîyanê xo xoverdayîşê xo ramnenê. Se beno wa bibo ma do haştîye bîyarê nê erdan ser. Heta ke meseleya Kurdan çareser nêba, çirey do demokrasî û haştîye meyerê awankerdiş.”

Aydenîz û Bayindir reyna weçînîyayê

Qiseykerdişan ra dima bi pêşnîyazê tayê delegeyan Komîsyonê Qerarî ame ronayene. Delegeyan ra tayînan pêşnîyaz kerd ke Salîha Aydenîz û Keskîn Bayindir reyna bibê hemserekî. Pêşnîyaz, bi pêroyîya raya name qebûlkerdiş. Salîha Aydenîze û Keskîn Bayindir reyna hemserekîya DBPyî rê ameyê weçînayîş.

MA / ENQERA