Dêrsimijî do seba waranê cuye mîtîngî de bêrê têhet

Nûçeyên Komel û Cuye

çarşem 5 Çiriyê 2022 - 22:22

Platformê Ked û Demokrasîyî yê Dêrsimî, derheqê mîtîngê 8ê Teşrîna Verêne de gazîya beşdarbîyayîşî kerde.

Hetê Platformê Ked û Demokrasîyî yê Dêrsimî ra 8ê Teşrîna Verêne do vera talankerdişê xozaye Dêrsim de mîtîngêk bêro viraştene. Hedreyîyê mîtîngî qezayan û bajarî de dewam kenê. Hetê temsîlkaranê platformî ra gazîya beşdarbîyayîşî ameye kerdene.

HDP ra gazîya beşdarbîyayîşî

Hemsereka HDPyî ya Dêrsimî Nazli Çelîlk Oze va, “Ma do vera talankaranê xozaye Meydanê Seyîd Rizayî de mîtîngêk bivirazê. Xebatê ma yê qezayan dewam kenê. Ma do seba xozaya xo biqîrê. Dêrsim bajarê Elewîyan o. Seba ke cayê ma yê pîrozî meyerê çinkerdiş, ma ganî nê talanî bivindarnê. Ma wazenê ma şarê ma wayîrê erjanê bivejîyo û mîtîng de vengê xo berz bikero.”

Serekê EMEPî yê Dêrsimî Ergîn Tekînî va, “Verî ra nat no talankerdiş dewam keno. Ma do vera nê talankerdişan vengê xo berz bikerê. Mîtîng ra dima do xebatê ma dewam bikerê. Ma pêro şarê xo silaynenê mîtîng û ma vanê ma hetê ma de ca bigerê.”

Cuye binê talukeyî de ya

Hemserekê Beledîyeya Perî ya verênî Orhan Çelebîyî va, “Daristanî, çemî û warê cuye kewtê binê talukeyî. Xozat de 3 aşman ra nat daristan yeno qirkerdene. Koyê Dêrsimî seba viraştişê madenan dîyayê şîrketan. Se ra 50î yê Dêrsimî bîyo sehaya madenî. Yeno no vate ke, cuya gandaran kewta binê talukeyî. Vera nê talanan, ma şarê Dêrsimî û dostane ci silaynenê mîtîngê 8ê Teşrîna Verêne yê Meydanê Seyîd Rizayî.”

MA / DÊRSIM

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.