Hereketê Ekolojîyî yê Mezopotamyayî vera ‘Cîlo Fest’î nêrazîbîyayîşê xo ramojna û înan va, “Her cayê Kurdistanî de sûcê tarîx, xoza û ekoqirkerdişî yeneo kerdene.”
Hereketê Ekolojîyî yê Mezopotamyayî zî vera ‘Cîlo Fest’ o ke Gever de hetê walîtîye ra amebi viraştene nêrazîbîyayîşê xo ramojna. Malumatê înan de ame dîyarkerdiş ke bi nameyê Festîvalê Cîloyî xoza talanî rê ameyo akerdene. Ame dîyarkerdiş ke golanê cemedî de bi jetskîyan şov ameyo kerdene û xoza ameyo gemarkerdiş.
Qirkerdişê kultur û nasnameyî
Demamê malumatî de ame vatiş ke, “Sivîlan ra zêder unîformayinî ameyê ramojnayene. Tîya de tena xoza ney kultur zî talanî rê ameyo akerdene. Wextanê peyênan de her cayê Kurdistanî de bi zanayene sûcê tarîx, xoza û ekoqirkerdişî yenê kerdene. Xozaya Kurdistanî yena talankerdiş û no talan bi nê tewir festîvalan dewam keno. Geverijan hema nê cemedî nêdîyê la îqtîdar nê cayan xo rê keno warê rant û polîtîkayî. Ma nê kerdenan qebul nêkenê. Ganî her mintiqa de fikre şarî û îradeyê şarî gore têgêrayîşî bibê. Warê xozayî ganî mebê warê rantî.”
MA / AMED
parvê bike
Nûçeyên ku dikare bala we bikşîne
