Dîyarbekirijî: Dûrî ra temaşe mekerê, dore yena şima zî

duşem 20 hezîranê 2022 - 10:45

  • Girewtişê rojnamegeran hetê Dîyarbekirijan ra ame rexnekerdiş.

Girewtişê rojnamegeran hetê Dîyarbekirijan ra ame rexnekerdiş.

Dîyarbekirî de 16 rojnamegerê Kurdî ameybî girewtene. No qeraro bêhiqûq hetê xeylê cîhetan ra ame rexnekerdiş. Dîyarbekirijan zî derheqê na rewşe de rexneyê xo kerdê. Dîyarbekirijan bi rexneyanê xo wayîrê rojnamegeran vejîyayê.

‘Wazenê vengê Kurdan bibirnê’

Welatîyan ra Şêxmûs Başkanî va, “Seba ke rojnamegerî heqîqetan nusenê ameyê girewtiş. Înan zulmê dewlete nuşto. Wazenê vengê Kurdan bibirnê. La Kurdî hinî sey verî nîyê, Kurdî bîyê haya.”

‘Bêbingeh ameyê girewtene’

Welatî Nur Kazane va, “Girewtişê înan zî bêbinge yo. Rojnamegerî erde xo ser o heqanê xo û şarê xo pawenê. Nêwazenê şar xeberanê raştan ra xeberdar bo. Rojnamegerê ke paştî danê kerdenanê hukmatî, înan ra xelatan genê.”

‘Dore yena şima zî’

Welatîyan ra Salîh Kizilî va, “Kam ke sey înan mevajo ceza danê ci. Kam ke muxalîfê înan bo raştê tehdayan yeno. Ganî her kes bêro têhet û vera nê neheqîyan xo ver bido. Ê yê ke dûrî ra temaşe kenê û vengê xo nêkenê, ganî bizanê ke rojêk dore yena înan zî.”

‘Azadîya çapemenîye çin a’

çWelatîyan paştî da rojnamegeran û welatî Fîkret Çapanî va, “Se serran ra nat bindestî raştê qetlîaman yenê û asîmîle benê. Kam ke neqeqîyan bivîno û mevajo bêwîjdan o. Kurdî wexto ke raştîyan vanê yenê girewtiş. Kurdî nêşkenê parlamentoyî de zî qisey bikerê. Ma na neqehîye qebûl nêkenê.” Dîyarbekirijan bi paştîdayîşan wayîrê kedkaranê çapemenîye vejîyayê.

MA / AMED


        

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.