Eyn Îsa û Qamişlo de hêrişê Tirkîya ameyê protestokerdene

Çalakîyanê Eyn Îsa û Qamişloyî de hêrişê Tirkîya ameyê protestokerdene û ame dîyarkerdiş ke do xoverdayîşê şaran dewam bikerê.

Bajaranê Bakur û Rojhelatê Sûrîyeyî yê Eyn Îsa û Qamişlo de hêrişê Tirkîya ameyê protestokerdene. Hetê Înîsîyatîfê Şarî yê Qamişloyî ra mehleya Enterîyê ya Qamişloyî de çalakîyêk ameye kerdene. Silêman Ehmedî dîyar kerd ke Tirkîya vera şaranê haştîwazan hêrişanê xo ramnena. 

Dima reyna înîsîyatîfî ra Abid Îbrahîmî qisey kerd û dîyar kerd ke şarê Qamişloyî vera hêrişan qerarê xoverdayîşî girewto. Ame dîyarkerdiş ke ganî sazîyê mîyanneteweyî vengê xo bikerê, hêrişî bêrê vindertene û sehaya hewayî bêra padeyene.

Eyn Îsa

Çalakîya Eyn Îsayî de Endama Koordînasyonê Kongra Starî Ruqeye Mihemede qisey kerd û va, “Tirkîya wazene bi hêrişan ewleyî û îstîqrarê mintiqa bixeripna. Şarê mintiqa do bi xoverdayîş û îradeyê xo nê hêrişan pûç bikero.”

Aye ra dima Hemserekê Meclîsê Girê Spîyî Hemîd El Ebidî qisey kerd û va, “Şarê Bakur û Rojhelatê Sûrîyeyî wazeno haştîye vila bikero û îstîqrarêk awan bikero. Hêzê eskerî û ewleyîye do vera hêrişan destgirêdaye mevindê û heta ke hêrişîvinderê do cewabê înan bidê.”

Ey ra dima zî Hemserekê Meclîsê Sirînî Şabo Ebdurezaqî qisey kerd û dîyar kerd ke do vera hêrişan xoverdayîş dewam bikero. Îdareyê perwerdeyî ra Xedîce El Elîye qisey kerd û dîyar kerd ke hêrişan ver mabên dîyayo perwerdeyî.

MERKEZÊ XEBERAN