Ezayîya Uzunî rê zîyareto girseyî: Xoverdayîşê se serrî do dewam bikero

Ezayîya Yilmaz Uzunî yo ke esteyê ci zereyê qutîye de dîyaybî keyeyê ci bi girseyî ameye zîyaretkerdiş.

Ezayîya Yilmaz Uzunî yo ke esteyê ci zereyê qutîye de dîyayê keyeyê ci hetê Hemserekê DTKyî Berdan Ozturk, Hemserekê Pêroyî yê DBPyî Salîha Aydenîze û Keskîn Bayindir, Hemverfekê Partîya Çep aKeske Çîgdem Kiliçgun Uçare û xeylê kesan ra ameye zîyaretkerdiş. Ezayîya ci mehlaya Bastokî ya Qezaya Tatosî ya Erzîromî de ameye ronayene. Heyet, xeylê cayan de ameyê astenkerdiş la reyna zî bi girseyî ezayî ameye zîyaretkerdiş.

‘No sûcê merdimatî yo’

Verî payravindertişê hurmetî ame kerdene û Hemserekê DTKyî Berdan Ozturkî dima qisey kerd û va, “Dewleta Tirke reyna rîyê xo mojna ma. No zulim hêverî Halîse Paksoy û Alî Riza Arslanî rê bibi û nika zî no keyeyê ma rê bîyo. No vera merdimatîye sûcêk o. Zulmê dewlete çend bizêdîyo, xoverdayîşê Kurdan zî hende zêdîyeno. Na dewe bi rojan ra nat binê ablûkayî de ya. Înan nêverda merasîmê cinaza bibo. Wesayîtê cinaza nêame dayene. Şima do hesabê nînan bidê. Nêverdenê mela ezan bido. Ma soz danê keyeyê xo; rayîrê ma rayîrêko birûmet o, ma xoverdayîşê nasnameyî danê. Heta ke ma haştîye awan bikerê ma do xoverdayîşê xo biramnê.”

‘Îhtîyacîya şarê Kurdî kesî ra çin a’

Dima zî Hemverfekê Partîya Çep a Keske Çîgdem Kiliçgun Uçare qisey kerd û va, “Kurdî do vera nînan xo ver bidê. Esteyê domananê Kurdan zereyê qutîyan de yenê dayene. Xoverdayîşê se serrî do dewam bikero. Îqtîqar çareserîye raf am nêkeno. Deklarasyonêko hetê Birêz Ocalanî ra 2013î de ame hedrekediş vîrê ma de û sîyasetê ma de yo. Heta no felsefe awan bibo ma do xoverdayîşê xo biramnê. Wazenê na cinaza bêwayîr verdê la ewro her bajarê Kurdistanî ra şarê ma wayîrê cinazaya xo vejîyayo. Îhtîyacîya şarê Kurdî kesî ra çin a. Ma xoverdayîşê xo bi destanê xo awan kerd û ma do xoverdayîşê xo pîl bikerê.”

‘Ma soz danê şehîdan’

Dima zî pîyê Uzunî Îbrahîm Uzunî heyetî rê sipas kerd û va, “Her çî ra ver ganî merdim wayîrê ehlaqî bo. Eke merdiman de ehlaq çin bo çîyêkî înan çin o. Esteyanê domananê m abi no qeyde dayîş bêehlaq o. La wa ê baş bizanê ke heta ke çilkêka gonîya ma biba, ma şehîdanê xo het de yê û xoverdayîşê înan het de yê. Ma gonîya şehîdanê xo ser o sond wanenê û ma do nê rayîrî de xoverdayîşê xo biramnê. Şehîdî nêmirenê.”

Qiseykerdişan ra dima hetê girseyî ra posterê Uzunî ame akerdene û bi slogananê ‘Şehîdî nêmirenê, Ey şehîd rayîrê to rayîrê ma yo, ‘Biciwîyo Kurdistan, Ey şehîd gonîya to erdî de nêmanena, Biciwîyo Serok Apo û Heval Yilmaz rûmetê ma yo’ dewe ra vevîyayê.

MA / ERZÎROM