DEM Partîye seba bajaranê rojawanî qerarê xo da

Kombîyayîşê MYKyî yê partî ra dima qerar ameyo dayene ke do xeylê bajaranê rojawanî de partî namzetanê xo veja.

Partîya Têduştî û Demokrasî ya Şaran (DEM Partî), ewro bi babeta weçînayîşî kombîyayîşê xo yo MYKyî kerd. Kombîyayîşî de meseleya bajaranê rojawanî de namzetvetiş reyna ame qiseykerdene. Bajaranê rojawanî ser o tek bi tek erjnayîşî ameyê kerdene. Netîceya erjnayîşan de qerar ame girewtene ke do xeylê bajaranê rojawanî de namzetî bêrê ramojnayene. Nê bajarî do dima bêrê eşkerakerdene. Rewşa Îstanbûlî ser o zî hema nîqaşî yenê kerdene.

MA / ENQERA