DEM Partî Amed de startê weçînayîşî da: Ma do nê dewrê zulmatî biqedînê

Rêxistinê DEM Partî yê Amedî startê weçînayîşî da. Seba verweçînayîşê 14ê Çeleyî gazîye ameye kerdene.

Rêxistinê Partîya Têduştî û Demokrasî ya Şaran (DEM Partî) ê Amedî derheqê weçînayîşî de Parka Koşûyolûyî de eşkerayîye kerde. Şîlîye varayêne la reyna zî xeylê kesî bîyê beşdarê eşkerayîye. 

Hemsereka DEM Partî ya Amedî Pinar Sakik Tekîne dîyar kerd ke îqtîdar bi kiriştişê weçînayoxan mudaxeleyê weçînayîşî keno û va, “Wazenê xesbkerdişê îradeyî û dizdîya demokrasîyî dewam bikerê. Polîtîkayê ke 2016î ra nata bi destê qeyûman yenê ramitene, polîtîkay^cke se serrî yo yenê ramitene ra cîya nîyê. Çinhesibnayîşê îradeyê şarî rê hinî komel tehamul nêkeno.”

Seba roja yewşemeyî gazîye

Dewamê eşkerayîye de ame vatene ke, “Şarê ma hinî qerarê xo dayo. Şar do îradeyê xo teslîmê zîhnîyetê qeyûman mekero û raye medo nê zîhnîyetî. Namzetê ma seba verweçînayîşî hedreyîye kenê. Pêro vernamzetê ma tena sena namzetbîyayîşî ney seba ke cewab bidê zîhnîyetê faşîstî bîyê vernamzet. Ma do weçînayîşanê herêmîyan de cewab bidê nê zîhnîyetê xesbkerdoxî û ma do nê zulmatî biqedînê.”

Tekîne derheqê verweçînayîşê 14ê Çeleyî zî gazîye kerde.

MA / AMED