Gunaye: Ma do bi xoverdayîş ameyoxê azadî awan bikerê

• Verfeka HDPyî Ebrû Gunaye malûmatê 8ê Adare yê Mêrdînî de qisey kerd û bale ante paştîdayîşê cinîyan ser o. 

8ê Adare Roja Cinîyan ê Kedkaran ê Dinya, Mêrdîn de bi rayberîya TJAyî ame pîrozkerdiş. Cinîyî vernîya awanîya HDPyî de ameyê pêser û tîya de malûmatêk ame dayene. Trafîk het3e cinîyan ra ame girewtene û hetê cinîyan ra sloganê ‘Cinî, Cuye, Azadî’ û ‘Bicuwîyo xoverdayîşê zindanan’ ameyê eştene.

‘Dewlete çin bî, xoverdayîşê cinîyan estibi’

Verfeka HDPyî Ebrû Gunaye tîya de qisey kerd û va, “Erdlerze bî sebebê felaketêkî pîlî. Ma reyêkna dî ke, komel û cinîyî bi paştîdayîşî pay ra yê. Bi rojan cayê enkazan de dewlete çin bî, Kizilay û AFAD çin bî. Însanî binê enkazan de serdî ver merdê. Dewlete çin bî, AFAD çin bi la paştîdayîşê cinîyan estibi. Ma roja verên a erzlerze ra nat mintiqaya erdlerze de bîyê. Ma paştî da şarî û ma cinîyan reyde paştîdayîşê xo pîl kerd. Ma do cinîyan muhtacê dewlete mekerê. Paştîdayîşê ma hêze dano ma.”

‘8ê Adare destpêkêk o’

Gunaye dewamê qiseykerdişê xo de va, “Xoverdayîşê Jîna, gêrayîşê heqîqetî yê Nagîhane raye mojnenê û raya ma roşn kenê. Ma versîya felaketî de kewtê 8ê Adare. Ma xoverdayîşê xo ramnenê. Nika wextê azadîyê cinîyan o. Bin ê felsefeyi 8ê Adare seba ma destpêkêk o. Ma sey TJA û HDPyî do timûtim vengê xo berz bikerê û vajê ‘Cinî, Cuye, Azadî’. Ma do xoverdayîşê x ora gamêke têpîya meerzê û ma soz danê ke, ma do xoverdayîşê xo pîl bikerê.”

Malûmat, bi çapikan û sloganan qedîya.

MA / MÊRDÎN