‘Wa biciwîyo 8ê Adare’

Endamê Platformê Cinîyan ê Anqara Buse Uçere derheqê rewşa cinîyan ê ke binê tesîrê erdlerzî de mendî de tayê şîroveyî kerdî.

Endama Platformê Cinîyan ê Anqara Buse Uçere dîyar kerd ke ê do seba cinîyanê ke erdlerzî de zirar dî hesab bipersê û wina vat, “Ma do kuçeyan de bi vengê berzî  semedê înanê ke tîya de û do hinî tîya nêbê, biqîrê. Wa biciwîyo 8ê Adare.”

Uçere ard ziwan erdlerz açarîya yew bêtera ke do çirey mero vîrakerdene û vat: “Nê erdlerzî de eslê xo de îqtîdar binê rijnayîşî de mend. Tewr zaf vengê ‘dewlete ha ça’ bî berz. Wextê tewr muhîmî de semedê xebata xelisnayîşî û caardişê hewcedarîyanê mexdûranê erdlerzî dewlete meydan de çînêbî. Îqtîdarê AKPyî Tirkîya de rejîmê mutahîtan nayo ro. Eslê xo warê rantî ameyo afirnayene. Çîyo ke ganî ma ser vinderê oyo ke merdimî waranê erdlerzî de serd û vêşanîye ra merdî. Na bêtera girde rehet rehet vîrê komelî ra do nêşiro. Goreyê hûmara fermî nizdê 50 hezaran kesan dinyaya xo bedilnaye ke zafê înan eşkayêne bi xebata bitesîrî bêrê xelisnayene. Mîyanê nê rijnayîşî de sosyalîst, welatperwer, femînîst û rêxistinê averşîyayeyî vejîyayî vernî û ruhê paştîdayîşî kerd komelkî.”

Buse Uçere wina dewam kerd: “Erdlerzî tewr zaf tesîrê cinîyan û tutan kerd. Bêtera des serran a AKPyî tew zaf tesîrê ma cinîyan kena. Hewcedarîyê cinîyan hetê dezgehanê cinîyan ra yenê caardene. Cinîyî seba ke miqatê tutan benê, barê înan dahîna giran o. Wina yew waro ke cinîyî nêeşkenê xeyman zî bifînê dest, coka her hetî ra verê şîdetî yeno akerdene. Zaf cinîyî pîya bi camêrdanê ke înan rê şîdet kenê eynî xeyman de manenê, tay cinîyê bi waştişê camêrdan bananê xesarinan de manenê. Tena xeyman de nê, cinîyanê ke ameyî bajaranê girdan de zî problemî est ê. Xeylêk cinîyî vînîbîyaye yê. Dewlete herinda pawitişê şarî de hêzê xo semedê tersnayîşê şarî şuxulnena. Vera faşîzmî seferberîya şaran birînanê edlerzî pêşena. Ma ewro sey cinîyan vanê ke şînê ma bezreyê  serewedaritişê ma yo û vejîyenê waran. Ma do semedê hesabpersayîşî têkoşînê xo bidomnê. Ma do kuçeyan de bi vengê berzî  semedê înanê ke tîya de û do hinî tîya nêbê, biqîrê. Wa biciwîyo 8ê Adare.”
 
XWEBÛN