Komaleya Cinîyan a Starî de hetkarîyî ameyê pêser û erşawîyayê Meletî. Cinîyan dîyar kerd ke, birînî do bi felsefeya Cinî, Cuye, Azadî bêrê piştiş.
Hetê TJA û Meclîsa Cinîyan a HDPyî ra seba cinî û domanan kolîyî ameyê hedrekerdiş û erşawîyayê Meletî. Verî ke kamyonê hetkarî bivejîyê raye, hetê cinîyan ra Komeleya Cinîyan a Starî de malûmat ame dayene.
Xeylê cinîyî bîyê beşdarê malûmatî. Hemsereka HDPyî ya Wanî Handan Karakoyûne dîyar kerd ke, hetê înan ra seba Mereşî kolîyê ke îhtîyacanê bingeyînan ra yenê pê ameyê hedrekerdiş.
Karakoyûne va, “Ma do sey TJAyî bi ruhê paştîdayîşî seba piştişê birînan mintiqayanê erdlerze de xebatanê xo biramnê. Ma do birînanê cinîyan bi felsefeya Cinî, Cuye, Azadî bipêşê.”
MA / WAN
parvê bike
Nûçeyên ku dikare bala we bikşîne
