Hunerê îşxalkaran bîyo sebebê têpîyamendişê hunerê Kurdkî

Ferîdûn Qasimî va ganî Wezaretîya Roşnvîrîye paştî bida hunermendanê Kurdan.

Ferîdûn Qasim kaykerdoxanê şinasî yê hunerê Kurdkî yo. Ferîdûn Qasim Silêmanîyeyij o û 1972yî de ameyo dinya. Xeylê karanê tîyatroyî, televîzyonî û bernameyanê hunerî de ca girewto. Qasimî derheqê rewşa hunerê Kurdkî de fikrê xo ardê ziwan.

Hunermend Ferîdûn Qasimî va, “Çinbîyayîşê paştîdayîşê madîyî problemêko pîl o. Coka hunerê Kurdkî kêm manenê û rêzefîlmê Kurdkî zî kêmî yê. Ez hêvî kena Wezaretîya Roşnvîrîye seba rêzefîlmanê Kurdkî budçeyêka taybete abirnena û ma zî bieşkê wayîrê berhemanê xo bivejîyê. Ma bi nê qeydeyî eşkenê temaşekerdoxanê Kurdan rêzefîlmanê Tirkan ra dûrî bifînê.”

Ferîdûn Qasimî derheqê weşanayîşê rêzefîlmanê Tirkan de va, “Zaf ecêb o ke rêzefîlmê Tirkan û yê xerîban qanalanê Kurdan de yenê weşanayîş. Şima hende pereyan danê nê rêzefîlmanê Tirkan, herinda înan de şima eşkenê rêzefîlmanê Kurdkî bivirazê.”

Ferîdûn Qasimî da zanayene ke bandorê xirabî yê rêzefîlmanê Tirkan esto û ganî qanalanê Kurdan de nê rêzefîlmî meyerê weşanayîş.

Ferîdûn Qasimî peynîye de va, “Ganî Wezaretîya Roşnvîrîye ardişê nê fîlman rê sînor biyaro. Ganî seba pawitişê kultur û hunerê Kurdkî mîyanê hunermendanê Kurdan de yewvengîye bibo.”

ROJNEWS / SILÊMANÎYE