Hunermend Beytocan wefat kerd

Nûçeyên Çand/Huner

pêncşem 14 îlonê 2023 - 16:45

Hunermendo Kurd Beytocan ke demêko derg ra nat Swêd de tedawîya pençeşêrî dîyêne wefat kerd.

Hunermend Beytûllah Gunerî(Beytocan) yo 68 serrî demêk ra nat Swêd de tedawîya nêweşîya pençeşêrî dîyêne. Hunermend, serê sibayî Stokholmî de wefat kerdo.

Beytocanî cuya xo ya hunermendîye de 4 albûmî weşanayê. Albûmê ey o ‘Yan mirin yan Diyarbekir’ ame qedexekerdiş. Wefatê xo ra ver, roportajêk de dîyar kerdbi ke ey mîyanê bêîmkanîye de karê xo yê hunerî kerdê.

Baytocan 1955î de qezaya Farqînî ya Amedî de maya xo ra bîyo, wextê darbeyê eskerî yê faşîstî yê 12ê êlule de ame girewtene û 15 serrî cezaya hepisî ameye dayene. 6.5 serrî hepis de mend û 1987î de hepis ra vejîya. 

Beytocanî serra 1990î de kesetê xo yo verên vet, serrêke ra dima zî mecbûr mend û bar kerd şi Swêd.

XWEBÛN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.