TRT Kurdîyî red kerd

Muzîsyene Hîvda Gokel dewetê TRT Kurdîyî red kerd.

Hîvda Gokel, hunermendêka Çewlîgij a û deyîranê Kirmanckî vana. A hîna zêde bi deyîra Rênçber Ezîzî ya ‘Dilo Dilo’yî yena zanayene. Gokel twitterî ser ra kerde eşkera ke aye dawetê TRT Kurdkîyî red kerdo. Aye îzahetê xo de va, “Mi dewetê TRT Kurdîyî bi zerra weraxe red kerd. Dawetkerdişê înan zorê mi şi, a zî meseleyêka bîn a…”

Hîvda Gokel kam a?

Hîvda Gokel Darahênîyê Çewlîgî de ameye dinya. Heta lîse Îstanbûl de wende. 2008î de Beşa Muzîkî ya Konservatûarê Zaningehê Dicleyî de dest bi perwerdeyî kerd. Hunermendanê başan ra dersê şanî girewtê. Albumê “Şahiya Stranan 3”yî de bi deyîra ‘Wisar Dîyen’(Dilo dilo)î ca girewte. Welat û teberê welatî de beşdarê festîvalan bîye. A nika hedirîyanê albumê xo yê soloyî yê verênî vînena.

MERKEZÊ XEBERAN