Îdereyo Xoser: Tirkîya bi tehtîdan raya pêroyîye xapînena

Îdareyê Xoserî yê Bakur û Rojhelatê Sûrîyeyî dîyar kerd ke tehtîdê ke yenê kerdene seba “xapînayîşê raya pêroyîya Tirkîya” yenê kerdene.

Îdareyê Xoserî yê Bakur û Rojhelatê Sûrîyeyî derheqê vateyanê Wezîrê Karanê Teberî yê Tirkîya Hakan Fîdanî de eşkerayîye daye. Ame vatene ke, “Hetê şarê ma Dêrazor de planê dewleta Tirke û Rejîmê Sûrîyeyî pûç kerdê û dima nê tehtîdî yenê kerdene.”

Eşkerayîya Îdareyê Xoserî nîya ya

Eşkerayîye de ame vetene ke, “Nê tehtîdî çalakîya Enqera ra dima yenê kerdene û pêro meseleyan de mintiqaya ma hedef gêrîyena. Dewleta Tirke sûcanê xo yê tîyayî xo vîrî ra kena.

Dewleta Tirke wazena çalakîya pêyene mintiqaya ma de girê bida. No mojneno ke raya pêroyîya Tirkîya ra visîyaya û meseleya Kurdan zî tede meseleyanê xo yê bînan nêvînena.

Ma tehtîdanê dewleta Tirke şermezar kenê. Mas ey Îdareyê Xoserî yê Bakur û Rojhelatê Sûrîyeyî bale ancenê nê meseleyan ser o; hedef gêrîyayîşê mintiqaya ma de heyfgirewtiş esto û seba ke projeyanê xo de sernêkewta yenê kerdene.

Tirkîya bin ê tehtîdan raya pêroyîye xapînena. Nê tehtîdî, xoverdayîşê ma yê û yê Koalîsyonê Mîyannneteweyî vera DAÎŞî ser o bandorêko xirab kenê. Feydeyê nê tehtîdan kesî çin ê. Tena wazenê bêhizurîye peyda biba û mintiqa bêîstîqrar biba. Awanîyê xizmetî ke hedef bigêrîyê, do refahê merdiman nêmano û no zî keweno mîyanê sûcanê şerî.

Sûrîye de rolê her di hetan zî esto. Ganî nê tehtîdî bêrê sînorkerdene. Dewleta Tirke eynî wext de cuya şarê ma zî hedef gena û dejanê merdimîyan zêdînena.

Seba ke hemsencîya mintiqayî bêra awankerdene ma komelê mîyanneteweyî, Koalîsyono Mîyanneteweyî, sazîyanê hiqûqî û merdimîye û Rusya rê gazîye kenê ke wa vengê xo berz bikerê û vernîya dewleta Tirke de vinderê.”

MERKEZÊ XEBERAN