Kampanyaya Kurdkî dest pêkena

• Edebîyatkar û ziwannas Merwan Berekatî va, dişmenê kurdan nêwazenê kurdî ziwanê xo û kulturê xo aver berê. Xeylê rayîrê pawitişê ziwanî estê, ganî pîy û mayî keye de domananê xo de Kurdkî qisey bikerî.

Semedê wendiş û nuştişê ziwanê Kurdkî kampanyayêk dest pêkena.

Grûbêka çalakwanê kurdan, Rojawan de keyepelanê înternetî ser ra kampanyayêka Kurdkî daya dest pêkerdene. Goreyê malûmatanê rojnamewan Alan Meîşî, armancê kampanya no yo ke, Kurdkî ganî bibo ziwanê cuye û dayîşûgirewtişî û serra 2022î do bibo serra ziwanê Kurdkî.

Ganî her çî bibo Kurdkî

Meîşî dîyar kerd ke, do rêveberîya Rojawanî afîş, vilaweke û kanûnanê resmîyan bi ziwanê kurdkî biweşano. Ma wazenê bale biancê serê ziwanê Kurdkî. Eke ma wayîrê ziwanê xo mevejîyê do kesêk wayîr nÊvejîyo û ziwanê ma do apey de bimano.

Ziwanê Kurdkî zaf dewlemend o

Edebîyatkar û ziwannas Merwan Berekatî va, dişmenê kurdan nêwazenê kurdî ziwanê xo û kulturê xo aver berê. Xeylê rayîrê pawitişê ziwanî estê, ganî pîy û mayî keye de domananê xo de Kurdkî qisey bikerî. Eke qiseykerdiş çin bo ferhengî tena çîyêk rê nêbenê. Ziwanê Kurdkî zaf dewlemend o û merdim eşkeno ey her wareyê cuye de bişuxilno.

Ziwanê Kurdkî xeylê serran ra nat Sûrîye de qedexe bi la dima şorişê Rojawanî hetê srêveberî ra sey Ziwanê Resmî ame qebulkerdiş û bi ziwanê perwerdeyî. Nika tayê problemî estê la mîyanê wextî de bi xebatanê başan do bibo ziwanê cuye.

QAMIŞLO