Karo ke hukmat nêşkeno bikero, ciwanêk keno

çarşem 18 gulanê 2022 - 16:13

  • Qeladizî de seba ke hukmat heqê karkeranê pakîye nêdano, 2 aşmî yo ke çopî nînê arêdayîş.

ELÎ QADIR / ROJNEWS / QELADIZÊ

Qeladizî de seba ke hukmat heqê karkeranê pakîye nêdano, 2 aşmî yo ke çopî nînê arêdayîş.

Qeladizî yê Kurdistanê Başûrî de heqê karkeranê pakîye nîno dayene. Coka çopî nînê arêdayîş. Mihemed Ehmed hem seba debara xo, hem zî seba pakîye her roje çopanê welatîyan dano arê. Welatîyî vanê Mihemedî ra nêdo do her ca mîyanê çopî de bimano. Mihemed Ehmed her roje bi motosîkleta xo çopanê bajarî dano arê. Mihemed Ehmed heqê xo zî geno la keyeyanê feqîran ra çîyêk nêwazeno. Mihemed Ehmed vano, “Karê mi sînordar o, ez tena eşkena çopê çend kuçeyan bidî arê. Ez çopî arê dana û bena cayê çopan de rokena. Key çopê şarî bibo veng a mi danê.” Xunçe Mistefa vana, “Mihemedî ra nêbo ma mîyanê çopî de manenê. No hukmat çira şarî fîneno nê halî. Hende pereyî şonê ça. Şar feqîrî ver mireno, wa pereyan şarî rê xerc bikerê.”

 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.