KNKyî ra malûmatê Qetlîamê Helebceyî

Konseyê Rayraberdişî yê KNKyî, kesê ke qetlîamanê Enfal û Helebceyî de cuya xo vînde kerde yad kerdê û seba ke qetlîamê winasî mebê gazîya yewîtîye kerde.

Konseyê Rayrberdişî yê KNKyî, bi wesîleya serrgêra qetlîamanê Enfal û Helebceyî malûmato nuştekî weşana. Malûmatî de ame vatiş ke, “Çîyê ke Helebçe de qewimîyayê, felaketanê tewr pîlan ê seserra 20inî yê. Mabênê çend saetan de 5 hezar însanî ameyê qetilkerdiş. Şarê ma seserra 20inî de qetlîamê zaf pîlî dîyê. Çi heyf ke nê çîyê ke ameyê şarê ma ser sey jenosîdî anameyê şinasnayene. Guman çin o ke, seba ke nê sey jenosîdî qebul bibê têgêrayîşî bîyê. Sey qirkerdişî vînayene, hi heyf o ke tena hetê merdimatîye ra qebul bîyo la hetê sîyasîyî ra qebulkerdişêk nêbîyo.”

KNKyî malûmatê xo de dîyar kerd ke, ewro zî çar parçeyê Kurdistanî de qetlîamî benê. Malûmatî de reyna ame dîyarkerdiş ke, seba ke qetlîamî mebê ganî hêzênê sîyasîyan ê Kurdistanî de yewîtîye biba û paştîdayîşî bêrê xurtkerdene.

MERKEZÊ XEBERAN