Keyeyê Xîzanî yê tarîxîyî binê talukeyê rijîyayîşî de yê

Nûçeyên Komel û Cuye

şemî 16 tîrmehê 2022 - 17:15

MEDÎNE MAMEDOGLÛ / NÛJINHA / BÊDLÎS

Keyeyê Xîzanî yê 300 serreyî bi rindîya mîmarîya xo merdimî xo rê heyran verdenê. Nê keyeyî bi daran û kemeran virazîyeyê û eke meyerê pawitiş do birijîyê.

Bêdlîs bi dewlemendîya xozaya xo merdimî heyran verdeno. Mîyanê koyan de bi rindikîyan xemilnayeyo. Nê rindikîyan ra yew zî keyeyê Xîzanî yê tarîxî yê. Nê keyeyî sey dewanê Hewramanî virazîyayê û viraştişê înan de tena dar û kemeri eameyê gurînayîş. La çi heyf ke eke tedbîrî meyerê girewtiş, nê keyeyî do bikewê binê talukeyê rijîyayîşî. 

Keyeyî 300 serran ra nat pay ra yê

Nê keyeyî 2 yan zî 3 qatin ê û bi yewbînan reyde girêdayeyê. Tena 2 dewan de mîmarîya winasî esta. Nê keyeyî kaş a ameyê viraştiş û 300 serran ra nat pay ra yê. Keyeyan de tena dar û kemeri ameyê gurînayîş. Şaneşînê keyeyêkî banê keyeyê cêrînî yo. Fotografkar û sînemagerî yenê nê dewan û mîyanê na rindekîya bêemsale de karanê xo kenê. Bitaybetî fotografê tîyayî yê payîzî zaf yenê ecibnayîş.

Kemerî dêsan ra kewenê

Nê keyeyê rindekî serranê peyênan de nîşananê rijîyayîşî mojnenê. Dewijî vanê ma seba restorasyonê keyeyan muraceat kerdo la xeberêk ci ra nêvejîyaya. Hêdî-hêdî kemeri dêsan ra kewenê û keyeyî zirar vînenê. Seba ke ewle nîyo dewijî keyeyanê xo, bi xo temîr kenê û tede beton gurînenê. No zî orjînalîyê keyeyan xeripneneo. Dewijî vanê eke nê keyeyî megêrîyê binê pawitişî, do hêdî-hêdî birijîyê û na rindekîye do vîndî biba.

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.