Şarê Xelîfan santralê termîkî nêwazeno

Nûçeyên Komel û Cuye

sêşem 7 hezîranê 2022 - 10:45

  • Şarê dewa Xelîfanî ya Kanîreş a Çewlîgî vano, “Ma santralê termîkî nêwazenê. Santral hem derûdorî rê baş nîyo hem zî merdiman rê baş nîyo.

CENGÎZ OZBASAR / MA / ÇEWLÎG

Şarê dewa Xelîfanî ya Kanîreş a Çewlîgî vano, “Ma santralê termîkî nêwazenê. Santral hem derûdorî rê baş nîyo hem zî merdiman rê baş nîyo.

Derûdorê Çewlîgî bi awbend û santralan ameyo girewtiş. Nika zî wazenê dewa Xelîfanî de santralî termîkî bivirazê. Xelîfan girêdayîyê Kanîreşî yo. Goreyê texmînan, erdê dewe de 80 mîlyon ton komir esto. Îhaleyê santralî do 7ê Hezîrane de bêro viraştene. Cayo ke wazenê santralî virazî de, Dereyê Gonigî û baxçeyê dewijan estê. Tesîrê santralî do xeylê dewan ser de bibo. Awa Gonigî şina şebekeyê bajarî ser. Eke awa leşine ba, do şebekeyê bajarî zî gemarin bo. coka şarê Xelîfan santralê termîkî nêwazeno.

Qirkerdişê xozaye

Şarê dewe ra Vehbî Başakî va, “Ma debareyê xo bi weyekerdişê heywanan û bi rence kenê. Baxçeyê ma uca de yê. Xora verî cû xozaya m abi HESan ameye qirkerdene. Nika zî wazenê cayê mendeyî mehf bikerê. eke no santral bivirazîyo, şar mecbûr tîya ra bar keno. Înan verî zî va, ma zerar nêdanê xozaye la înan cayê ma mehf kerd. Ma veng a şarê derûdorî û pêro Çewlîgî danê. Wa her kes paştî bido ke, ma meverdê santral bêro vîraştiş.” Dewijanê bînan zî va ma do meverdê ke erdê ma talan bibo. 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.