Dewaya Bakurî: Şertê kontrole edlî yê Çayan Demîrelî ame wedartiş

Seba ke problemê Çayan Demerelî yê sihhetî estê, şertê kontrolê edlîyî ameyo wedartiş.

Çayan Demîrel û Ertugrûl Mavîoglûyî pîya belgefîlma ‘Belgefîlmêka Gerîllayan: Bakur’ antibî. Belgesele û derhêneran rê dewaya ‘Propagandaya Rêvistinî’ ameybî akerdene. Dewa newe ra ameyê akerdene û mehkemaya verêne Mehkemaya Cezaya Girane ya 2yine ya Êlihî de ameye dîyayene. Mehkema 2019î de 4 serrî û 6 aşmî ceza dabî derhêneran. Sibate 2022yî de Mehkemaya Îstînafî no qerar xeripnabi. Dewaya newîye de Çayan Demîrelî va, “Qerarê Mehkemaya Îstînafî raşt o. Mi xora îfadeyê xo dabi û ez eynî fikirî de ya.” Awiqatan roporê sihetî dayê mehkema. Mehkema raporî qebul kerdê û qerarê kontrolê edlî ame wedartiş. Seba ke Ertugrûl Mavîoglû nêamebi mehkema, derheqê ey de qerarê kontrolê edlî nêame wedartiş.

ÊLIH