KNK do serra 100yine ya Lozanî de kongre bivirazo

Endamê KNKyî Şoreş Xidirî dîyar kerd ke 22-24ê Temûze de do Lozan de kongreyêka neteweyî bêra viraştene.

Kongreya Neteweyî ya Kurdistanî (KNK), serra 100yine ya Muqaveleyê Lozanî de do bajarê Lozanî yê Swîsreyî de konreya neteweyî ya pîle bivirazo. Endamê KNKyî Şoreş Xidirî Rojnewsî rê qisey kerd û dîyar kerd ke hinî wext ameyo ke vera muqaveleyî vate û fikrê Kurdan bibê yew.

Xidirî dîyar kerd ke KNK xebatanê netewîyan sey wezîfeyêk vîneno û va, “Ma wazenê ke seba ke xebatê neteweyî biqewet bibê, bi beşdarbîyayîşê 4 leteyê Kurdistanî 22-24ê Temûze de Lozan de kongreyêk bivirazê. Seba amadekarîya kongre Kurdistan û welatanê bînan de do xebatî bêrê kerdene.”

MERKEZÊ XEBERAN