Ma ganî stratejîyo neteweyî esas bigerê

Hemsereka KNKyî Zeyneb Mirade va, “Ma ganî seba xelasê şarê Kurdî stratejîyo neteweyî esas bigerê.

Hesekê de derheqê Lozanî de komxebata mîyannetewî ameye viraştene. Xeylê sîyasetmedar, akademîsyen û cigêrayoxî bîyê beşdarê komxebate. 

Hemsereka KNKyî Zeyneb Murade roniştişo verên de qisey kerd û va, “Muqaveleyê Lozanî tewr zêde Kurdan ser de bandor kerd. Şêrê cîhanî yê yewinî ra dima mintiqa destê îngîltere û dewletanê hêzadaran dest de bî. O wext welatê neweyî ameyê awankerdene. Tirkîya zî bi bingeyê şovenîzmî ameye ronayene. Lozan tena Kurdan ser de ney pêro şaran ser de bandor kerd û xirbanê Osmanîyan ser de dewletê neweyî ameyê awawankerdiş.”

Muhîmîya yewîtîya Kurdan

Murade bale ante yewîtîya Kurdan ser o û va, “Ganî pêro hêzê Kurdî berpirsîyarî bigerê xo ser û goreyê prosesî têbigerê. Ma ganî dormaleyê feydeyanê şerîkan de bêrê têhet. Ma ganî Lozanêkî neweyî qebul mekerê. Kurdî nika sey verî nîyê û binê binê siwaneya demokratîke de yê.”

Komîteya hedrekerdişî yê komxebate ra Hecar Şekire dîyar kerd ke PDK û Hukmatê Şamî ver xeylê astengîyî vejîyayê.

YENÎ YAŞAM