L’Humaniteyî hêrîşê kîmyewîyî kiriştê manşetê xo

• L’Humanite yo ke Fransa de weşanîyeno, hûmara xo ya peyêne de hêrîşê Tirkîya yê kîmyewîyî yê vera HPGyijan ameyê kerdene kirişte manşete xo.

L’Humanite yo ke Fransa de weşanîyeno, hûmara xo ya peyêne de hêrîşê Tirkîya yê kîmyewîyî yê vera HPGyijan ameyê kerdene kirişte manşete xo.

L’Humaniteyî manşete xo de ca da hêrîşanê kîmyewîyan ê Tirkîya. Fotografo ke hetê ANFyî ra amebi weşanayîş kirişîya manşet û dîmenê HPGyijan hetê pisporan ra ameyê şîrovekerdiş. Dr. Jan van Akenî va, “Dîmenan ra aseno ke, ganî cigêrayîşêko cidî bêro kerdene.”

Dr. Beppe Josef Savary-Bolieriyî va, “Ma tena dîmenan ra nêşkenê teşhîsêko raşt bikerê. La wexto ke mi dîmenî dîyê madeyê M-CPP ame mi vîr. No made senî ke şerwanî ra aseno eşkeno merdimi bido huşayîşî û eynî wext de eşkeno kabosan zî bido vînayene. Dozanê berzan de eşkeno sey halê şerwanî çîyanê klînîkan peyda bikero: Koma, hîperventîlasyon, krampî û nobetê epîleptîkî. Dozo berz beno sebebê mergêkî bidejî.”

Delînan ser o cigêrayîşî nêbîyê

Xebere de ca dîya raporê IPPNWyî yo ke zîyaretê Başûrê Kurdistanî ra dima amebi weşanayene. Ame dîyarkerdiş ke, destûr nêdîyo heyetê IPPNWyî ke şêro mintiqa de cigêrayîşan bikero. Coka delîlan ser o cigêrayîşî zî nêameyê kerdene.

Dr. Beppe Savary-Borioliyî va, “Dewletêk eşkena bi hîmayeya NYyî yan zî bi OPCWyî cigêrayîşêk biwaza û seba ney zî delîlî bes ê.”

Tehtîdê hepisî

Xebere de ame dîyarkerdiş ke, waştişê cigêrayîşan raştê tehtîdê hepisî yenê û ca dîya rewşa Şebnem Korur Fîncanciye.

Sewbîna zî ca dîya sicîlê Tirkîya û ame dîyarkeriş ke Serêkanîyê de welatîyêk fosforo sipî ra bandor girewto û ca dîya vateyanê Hulusî Akarî.

MERKEZÊ XEBERAN