‘Ma do mîrasê Apê Mûsayî biramnê’

pêncşem 4 gulanê 2023 - 10:16

Rojnamegeran vera girewtişê rojnamegeran malûmatêk da û înan dîyar kerd ke, ê do mîrasê Apê Mûsayî biramnê.

Hetê DFG û MGKPyî ra verê Edlîyaya Dîyarbekirî de vera giretişê rojnamegeran malûmatêk ame dayene.

Vera çapemenîya kurde tedayî

Malûmatî de ame vatiş ke, “Polîsan eşt ajans û produksîyonan ser, înan dest na ekîpmanan ser û serrêk de 35 embazê ma ameyê girewtene. Rojnamegerî xeylê reyan raştê astengîyan ameyê û raştê hêrîşan ameyê. 16 embazê ma ke par ameybî girewtene, derheqê înan de îdîanameyêk 10 aşman ra dima ame hedrekerdiş. Reyna 10 embazê ma yê ke Teşrîne Verêne de ameybî girewtene, derheqê înan de zî 4 aşman ra dima îdîaname amebi hedrekerdiş. 25 Nîsane de 4 embazê ma gêrîyaybî binê çimî û ameyê girewtene. Vîzêr şewe zî 2 embazê ma ameyê girewtene. Rewşêka winasî de kes nêşkeno azadîya çapemenîye ra behs bikero.”

‘No seba ewleyîya weçînayîşî taluke yo’

Dewamê malûmatî de ame vatiş ke, “Ma do tmûtim verê rojnamegeran de bê. No operasyon verê weçînayîşî ameyo kerdene û do ewleyîya weçînayîşî bifîno taluke. Wazenê vengê çapemenîye bibirnê. Çi beno wa bibo, rojnamegerî bêters xo ver danê û benê vengê komelî. Ma do mîrasê Apê Mûsayî, Denîz Firate û Guebetellî Ersoze biramnê. Seke embazanê ma yê girewtîyan vato ‘wa bicûwîya çapaemenîya azade, wa qehr bo faşîzm. No sîstemo haramî do 10 rojan ra dima birijîyo’.

Malûmat, bi slogananê ‘Vengê çapemenîya azade nîno birnayene’ qedîya.

MA / AMED

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.