“Ma ganî hîna zêde wayîrê ziwanê xo bivejîyê”

sêşem 12 nîsanê 2022 - 09:44

  • Dîanet Camîya Pîle ya Dîyarbekirî de ca nêdayo Kurdkî. Hemsereka Komeleya Edebîyatkaran ê Kurdan Sultan Yaray va, “Ma ganî hîna zêde wayîrê Kurdkî bivejîyê.”

Dîanet Camîya Pîle ya Dîyarbekirî de ca nêdayo Kurdkî. Hemsereka Komeleya Edebîyatkaran ê Kurdan Sultan Yaray va, “Ma ganî hîna zêde wayîrê Kurdkî bivejîyê.”

Kurdkî bi sistematik raştê qedexeyan yena û Kurdî tim raştê tehda û hêrîşan yenê. Nika zî Dîanet Kurdkî rê bêhurmetîye kerdo. Dîanet Camîya Pîle ya Dîyarbekirî de panoya malûmatêkî de ca nêdayo Kurdkî. Xeylê ziwanan de malûmatî ameyê nuştene la înan tenezul nêkerdo ca bido Kurdkî. Na rewşe hetê hemsereka Komeleya Edebîyatkaran ê Kurdan ra ameya rexnekerdiş.

Wazenê Kurdan çin bikerê

Sultan Yaray va, “Kurdî nê heqeretî qebul nêkenê. Ceyêko sey Dîyarbekirî de senî ca nêdîyeno Kurdkî. Ma Newroze de dî, înan se kerd nêkerd reyna zî Kurdî bîyê sey laserî. Ê do wayîrê ziwanê xo zî bivejîyê. Mileto ke ziwan3e x ora kewt dûrî, estbîyayîşê xo ra zî keweno dûrî. Ê wazenê Kurdkî her ca ra biwedarîyo.”

Wa Kurdî wayîrê ziwanê xo vejîyê

Yaray dima va, “Zulmî, tehdayî zêdîyayê la Kurdan ziwanê xo ra û kulturê xo ra fekranêverda. Ganî Kurdî her wareyê cuya xo de Kurdkî qiey bikerê, biwanê û binusê. Ganî Kurdî seba perwerdeyê ziwanê dayîke xoverdayîşê xo bizêdnê. No heqêko bingeyin o û kes nêşkeno vere ci bigero.”

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.