Mazlûm Ebdî: Ma do şorişê Rojavayî heta peynîye bipawê

• Seba şerwananê ke qezaya helîkopterî de cuya xo vîndî kerdibî Heseke de merasîmêk ame viraştene.

15ê Adare de Silêmanîye de 2 helîkopterî netîceya qezayêk de kewtibî û 9 şerwananê YATî cuya xo vîndî kerdibî. Seba înan Heseke de Stadyûmê Serdemî de merasîmêk ame viraştene. Merasîmî de Fermandarê Pêroyî yê QSDyî Mazlûm Ebdî qisey kerd. Ebdîyî va, “Ez bi nameyê Fermandarîya QSDyî, keyeyanê pêro şehîdan û keyeyanê 9 şerwananê YATî rê serweşîye wazena. Ma pêro şarê xo û hemrayanê xo selam kenê. Ardişê cinazayanê embazanê ma de înan ke hetkarîye kerde ma înan rê zaf sipas kenê.”

Ciwanan rê gazîye

Ebdîyî dîyar kerd ke, ê do heta peynîye destkewteyanê şorişê Rojavayî bipawê û va, “Ma do QSDyî û sazîyanê ma yê bînan bipawê û înan xurt bikerê. QSD do çirey vîndî mekero. Ma na roja xo ya xemgîne de şarê xo û ciwanan ra vanê ke, wa bibê beşdarê YATî û deskewteyanê şorişê ma bipawê.”

Na beyraqe heta serkewtişî do mekewa

Peynîya qiseykerdişê xo de Ebdîyî va, “Beyraqa şehîd Şerwan û 8 hemrayanê ci do çirey mekewa. Do na reyraqe tim destê embazanê înan de ba û heya peynîye bitêşanîya. Şehîdî nêmirenê.”

Cinazayî erşawîyayê bajaranê înan

Qiseykerdişan ra dima cinazayê 9 şerwanan ver bi bajaranê înan kewtê raye. Cinazaya Şervan Kobanêyî Kobanî de, cinazayê Faraşîn Baran, Dîdar Dêrik, Hogir Dêrik, Dogan Efrîn, Koçer Dêrik û Harûn Rojavayî Dêrik de, cinazaya Rojenh Rifetî Şehba de û cinazaya Xebat Dirbêsiyêyî zî do Dirbêsiyê de bêrê wedartene.

ANHA/HESEKÊ