Meclîsa Eskerî ya Kobanîyî: Heqê ma yê şerî û xopawitişî esto

pêncşem 24 teşrînê 2022 - 08:43

  • Hemserekê Meclîsa Eskerî ya Kobanîyî Mehmûd Dêmoyî: Heqê ma yê şerkerdişî û xopawitişî esto. Ma cewab da û ma do bidê zî.

MUJDAT CAN / MA / RIHA

Hêrîşê Tirkîya yê ke vera Bakur û Rojhelatê Sûrîyeyî 20ê Teşrîna Peyêne de dest pêkerdê dewam kenê. Esas hedefe hêrîşan Kobanî yo. Kobanî her roje raştê hêrîşanê Tirkîya yeno. Derheqê rewşe de Hemserekê Meclîsa Eskerî ya Kobanîyî Mehmûd Dêmoyî Ajansê Mezopotamyayî rê qisey kerd.

‘Hêrîşa Îstîklalî seba qezenckerdişê weçînitişî komployêk a’

Mehmûd Dêmoyî va, “Hêrîşa Îstanbûlî bi destê MÎTî ameya kerdene. Na komplo seba ke weçînitiş qezenc bibo virazîyaya. YPG/YPJ vera terorî şer kenê. Ma şer de xeylê bedelê pîlî dayê. Eskerê ma û embazê ma, seba ke dinya terorî ra bixelisnê ganê xo da. Pêro dinya zî şahid a.”

‘Ma do şarê xo reyna bipawê’

Dêmoyî va, “3 rojan ra nat bi topan û bombardimanan Şehba ra heya Dêrik hêrîşî yenê kerdene. Wazenê şarî bitersnê û zemînê dekewtişî awan bikerê. Ma do sey YPG/YPJ û Meclîsa Eskerî hetê şarê xo de bê. Ma do şarê xo bipawê. Ma senî ke 2012î ra nat şarê xo qetlîaman ra pawenê, ma do nika ra dima zî bipawê. Armancê hukmatê faşîstî yê AKP-MHPyî heyfê Daîşî girewtiş o. Nê hêrîşan ra ver zî embazê m abi SÎHAyan ameyêne kiştiş û hedefê înan reyna no bi.”

‘Ma cewab da, ma do bidê zî’

Dêmoyî peynî de va, “Ma do destûr medê ke şarê ma reyna raştê qetlîaman bêro. Dişmen bi SÎHAyan û teyareyan bi pêro hêza xo hêrîşa ma keno. Ma vera nînan cewab da û ma do bide zî. Nê hêrîşî seba ma newe nîyê. Dewleta Tirke vera Kurdan dişmenetî kena. Ma înan bi eşkera vînenê. Sey Efrîn, Serêkanîyê û Girê Spîyî wazenê Kobanî de zî şerêko pîl bibo. Hedreyîya xo kenê ke hêrîşe bikerê. Heqê ma yê şerkerdişî û xopawitişî esto. Ma cewab da, ma do  bidê zî.”

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.