Mehkema paştî da qedexekerdişê kayê Kurdkî

duşem 18 nîsanê 2022 - 10:30

  • Mehkema va seba dewamîya dewlete no qerar raşt o.

MUJDAT CAN - MA / RIHA) 

Mehkema va seba dewamîya dewlete no qerar raşt o.

Walîtîya Rihayî kayê Kurdkî yê Teatra Jiyana Nûye yê ‘Bêrû Klakson Borizan Girt’î bêdemî qedexe kerdibi. Koma tîyatroyî derheqê nê qerarî de 12ê Sibate 2021î de dewa akerdibî. Awiqatan vatibi, ‘No kay xeylê bajaran de ameyo kaykerdene, qerarê qedexekerdişî goreyê mehkemaya bingeyîne û AÎHMî îxlal o. Wina yeno famkerdiş ke seba ke no kay Kurdkî yo coka ameyo qedexekerdiş û ganî no qerar bêro betalkerdiş.’

‘Seba dewanîya dewlete…’

Mehkemaya Îdareyî ya Rihayî 14 aşman ra dima qerarê xo dayo. Mehkema vato, ‘Seba ke no kay bi PKKyî reyde têkildar o qerarê qedexekerdişî raşt o. Îdarekaran seba dewamîya dewlete û ewlehîya milîye qerarêko winasî girewto. Qedexekerdişê kayî de hetê hiqûqî ra îxlalêk çin o û mehkema waştişê betalkerdişê qerarî red kerdo.’ Awiqatanê dewaye ra Hîdayet Enmekî va, ‘Bi serran ra nat vera kultur û ziwanê Kurdan polîtîkayê asîmîlasyonî yenê ramitiş. No qerar zî leteyêkî nê prosesî yo. No qerar goreyê qanûnanê mîyannetewîyan îxlalêko pîl o. Ma zanê ke derdî înan tedeyîya kayî nîyo, derdê înan ziwanê Kurdkî yo.’

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.