Mehkema Tirka va şuxilnayîşê herfa ‘W’î de îhlalêk çin o

Tirkîya de nameyê xeylê şîrket û televîzyonan de herfê ‘w, x, q’yî ca genê la Kurdî nêşkenê nê herfan nameyanê xo de sey resmî bidê nuştiş. Mehkemaya Qanûnê Bingeyinî va nameyê ‘Ciwan’î de îhlalêk çin o. Abdullah Yilmaz, 2014î de domanê xo yê newe bîyayeyî bi nameyê ‘Ciwan’î qeyd kerd. La Mudirtîya Nifûsî ya Çîglî ya Izmîrî  va herha ‘W’yî alfabeya Tirkan de çin a û nasnameyê domanî hedre nêkerd. Mudirtî waşt ‘Ciwan’î sey ‘Civan’î qeyd bikerî û muraceatê mehkemaye kerd. Mehkema zî sey înan kerde û ‘Ciwan’ sey ‘Civan’î ame qeydkerdiş.

Yargitay zî qebul kerd

Abdullah Yilmaz seba temyîzî muraceatê Yargitayî kerd û va, “Nameyê domanêk hetê keyeyê ci ra yeno dayene. Ganî dewlete mudexele mekera.” Yargitayî 2017î de qerar da ke herfa ‘W’ nameyan de nêşkeno bêra şuxilnayîş û mehkema waştişê raştkerdişê nameyi zî 2018î de red kerd.

Qerarê Mehkemaya Qanûnê Bingeyinî

Dima Abdullah Yilmaz nê qerarî de binpaykerdişê teduştîye dî û bi şexsî muraceatê Mehkemayê Qanûnê Bingeyinî kerd. Mehkema qerar da ke nuştişê herfa ‘W’yî erjanê komale rê zerar nîya û nameyê ‘Ciwan’î mîyanê kulturê Kurdan de xeylê yeno şuxilnayene. Reyana mehkema va no qerar semedê hurmetmojnayîşê cuya şexsî û keyeyî ameyo girewtene. Mehkema qerarê xo bi pêroyîya reyan girewt.

MA / AMED