Mehmet Sîncar mezela xo ser de ame yadkerdene

Wekîlê Kurdan Mehmet Sîncar Mmezela xo ser de ame yadkerdene. Pervîn Buldane yadkerdişî de va, “Çîyêk nêbedilîyayo, neweyan de Kurdî kuçeyan de ameyêne kiştiş ewro zî cinazayê înan zereyê tewreyan de yenê dayene.”

Wekîlê DEPî yê Mêrdînî Mehmet Sîncar 4ê Êlule 1993yî de tewrê embazê xo Batman de kuçeyêk de hêrîşêk de ame qetilkerdiş. Serê qetilkerdişê ey ra 29 serrî vîyertê. Mehmet Sîncar Mêrdîn Qoserî de  mezela xo ser de ame yadkerdene. Hemsereka HDPyî PeRvîn Buldane, Ahmet Turk û xeylê sîyasetmedar û temsîlkarê dezgeyan beşdarê yadkerdişî bîyê. 

‘Kurdan tawîz nêda’

Yadkerdişî de Ahmet Turkî qisey kerd û va, “Xoverdayîşê Mehmet Sîncarî dewam keno. Mehmedî seba xoverdayîşê Kurdan ganê xo da. Kurdî hema zî raştê hêrîşan yenê. Dewlete wazena destvisteyanê Kurdan çin bikera. Nê şarî xoverdayîşê xo de çirey tawîz nêda. Kurdî nê xoverdayîş û bedelan xo vîrî ra nêkenê. Xeylê hemrayê ma xoverdayîşî de ameyê qetilkerdiş. Mehmet Sîncarî zî xo ver da û ame qetilşkerdiş.”

‘Ma qetilkaran şinasnenê’

Hemsereka HDPyî Pervîn Buldane qisey kerd û va, “Ma qetilkaran şinasnenê. Ma zanê kamî emir dayo û kamî qetil kerdo. La 29 serrî vîyertê û kesêk nêameyo girewtiş. Qetilkarî yenê pawitiş û ceza nêgenê. Êyê ke dişmenetîya Kurdan kenê, ma zanê ke kerdoxan pawenê. Wa bizanê ke, xoverdayîşê Mehmet Sîncarî rayîrê ma roşn keno, rayîr mojneno ma. Ma hemrayê Mehmet Sîncarî yê. Çîyêk nêvurîyayo. 90yan de Kurdî kuçeyan de ameyêne kiştiş, ewro zî cinazaya înan mîyanê tewreyî de yenê dayene. Ma çirey sere nêna ro. Embaza ma Semra Guzele mojna înan û dersêk da înan. Ma Mehmet Sîncar û embazanê ci ra derse girewte û ameyê nê rojan. Ma înan bi hurmet bi minet yad kenê.”

MA / MÊRDÎN