Projeyê madenî yo ke betal bibi, do reyna bêro dest pêkerdiş

Projeyêkî madenî do Gêxîya Çewlîgî de biameyêne viraştene la amebi betalkerdiş. Goreyê malûmatan proje do reyna bêro destpêkerdiş.

2018î de şîrketanê madenan waşt Gêxî de madenê qerşûn, sîm û çînkoyî akerê. Vera nê projeyi dewayêk ameye akerdene û netîceya dewaye de proje ame betalkerdiş. Nika zî eynî şirkete xebere erşawita dewijan û vata ma do dest pê projeyi bikerê. 

‘Wezaretîye rantî weçinito’

Şarê mintiqa vato, “Ma vera projeyi dewayêk akerde û 2018î de mehkema va şima nêşkenê uca de madenî akerê. La Şîrketa Bingöl Metal Madencilik A.Ş. kewta rantî dima û waşta raporê ÇEDî bigera. Wezaretîya Derûdorî zî rantî weçînito û raporê ÇEDî bi deste înan ra dîyayo şîrkete.”

‘No wehşetêk o, mekerê’

Dewijan û welatîyan va, “Ma do wayîrê xozaya xo bivejîyê. Tîya de vîrardeyê ma estê, xeyalê ma estê, mezelê ma estê û xeylê gandarî estê. ma nêwazenê nê qurbanê rantî bê. Ma do xoverdayîşê xo pîl bikerê. Ma şîrkete ra vanê, no wehşetêk o, mekerê. Ma heqdar ê û ma do serbikewê.”

PÎRHA / ÇEWLÎG