Qeyûmê Amedî hetkarê Wezîrê Karanê Zerreyî bî

Munir Karaloglu yo ke verê cû Amed de qeyûmîye kerde, nika hetkarê Wezîrê Karanê Zerreyî yo.

Qeyûmo kan ê Şaredarîya Amedî Munîr Karalogluyo ke nameyê ci bi îhaleyanê bêûsûlan, reftarê negatîfî yê vera karkeran şinasnaye bî, sey hetkarê Wezîrê Karanê Zerreyî ame tayînkerdene.

Qerarê tayînkerdişê 68 hetkaranê wezîran ewro Rojnameyê Fermî de weşanîya. Munîr Karalogluyo ke 10ê hezîrana 2020î de walîyê Amedî bî, dima ra Şaredarîya Amedî rê sey qeyûmî ame tayînkerdene û 12yê gulana 2022î de ame antene merkez, nika sey hetkarê Wezîrê Karanê Zerreyî ame tayînkerdene. Xerza Karalogluyî Bulent Turan, Mehmet Aktaş û Mehmet Saglam zî ameyî tayînkerdene.

Karaloglu eynî wextî de hemşehrîyê Erdoganî yo. Karaloglu serra 1964î de qezaya Çayelî ya Rîze de dewa Kaptanpaşa de ame dinya. Ey Lîseya Îmam Hatîpî ya Rîze de wend. Serra 1989î de Unîversîteya Stenbolî de Fakulteya Huqûqî ra mezun bî. Sey namzedê qaymeqamîye dest pê karê xo kerd. Xeylêk bajaran de qaymeqamîye kerde û bitaybetî îqtîdarê Erdoganî ra dima “rayîrê” ci abîya.

XWEBÛN