- Hetê HDP, HDK û Hereketê Ekolojîyî yê Mezopotamyayî ra derheqê erdlerze de malûmatêk ame dayene.
Hetê Komîsyonê Ekolojîyî yê HDPyî, Meclîsa Ekolojîyî ya HDKyî û Hereketê Ekolojîyî yê Mezopotamyayî ra, derheqê erdlerze de awanîya Peyasî ya HDPyî de malûmatêk ame dayene.
Hetkarê Komîsyonê Ekolojîyî yê HDPyî Nacî Sonmezî va, “Ma 4-5 rojî yo ke cigêrayîşan kenê û ma vînenê ke esasê xo de îdare binê enkazî de mendo. Afatêka newîye peyda bîye. Ma na rewşe qebul nêkenê. Ma bêhêzîya îqtîdarî dî û ma dî ke vera hetkaran senî têgêreno.”
Bi no qeyde viraştişê bajaran problem o
Endama Meclîsa Ekolojîyî ya HDKyî Îldem Kîbare va, “Ma waranê konan de cigêrayîşî kerdê. 100 kesî tuwaletêk gurînenê. Goreyê vateyanê îqtîdarî do Hetay de awanîyî bêrê viraştene. Bin o qeyde viraştişê awanîyan, bileze viraştişê înan ver do problemî peyda bibê. Ganî bi metodanê zanistîyan û bi goreyê xoza awanîyî bêrê viraştene.”
Erdlerze 15 mîlyon kesî ser o bandor kerd
Verfeka Hereketê Ekolojîyî yê Mezopotamyayî Derya Akyole va, “Erdlerze 15 mîlyon kesî ser o bandor kerd û afatêka pîle bîye. Seba ke hewa serd o, konbajarî nînê ronayene. Şarî waranê erdlerze de paştî da yewbînî. Erdlerze ver şar bajaranê xo ra bar kerd. Dîyar Galeria de heywanî mendê, çend rey seba înan gazîye ameye kerdene la reyna zî awanî rijnenê û kesî ra veng nêvejîyeno.”
YENÎ YAŞAM / DÎYARBEKIR
parvê bike
Nûçeyên ku dikare bala we bikşîne
