Şar kuçeyan ra nêancîyeno

în 18 teşrînê 2022 - 08:50

Hetê hêzanê rejîmî Îranî ra vîzêr 15 kesî ameyê qetilkerdiş. Şar kuçeyan ra nêancîyeno; 2 sûbayî ameyê kiştiş, medreseyî ameyê vêşnayene.

Protestoyê ke qetilbîyayîşê Jîna Emînî ra dima Îran û Rojhelatî de dest pêkerdê, 2 aşmî ra nat dewam kenê. Şîdetê hêrîşanê rejîmî zêdîyeno la şar reyna zî kuçeyan ra nêancîyeno.

15 kesî ameyê qetilkerdiş

Protestoyanê vîzêrî de 15 kesî hetê hêzanê rejîmê Îranî ra ameyê qetilkerdiş. Sinê de Îsa Beglerî û Zanyar Ellah Muradî, Bokan de Saman Kadirbegî û Salar Micahir, Kamyaran de Fuad Mihemedî û Burhan Keremî, Seqiz de zî Danyal Pabendî yo 16 serre ameyê qetilkerdiş.

Goreyê malûmatanê rêxistinê heqanê merdiman ê Îranî, heta nika protestoyan de 342 kesî ameyê kiştiş û 43 kesê nînan doman ê.

2 eskerî ameyê kiştiş

Çalakîyanê Bokan û Kamyaranî de 2 eskerê rejîmî ameyê kiştiş. Înan ra Riza Almasî sûbayo berz o û Riza Aerbar zî endamê Pasdaran o.

Çalakîyî Şîraz û Eshehan de zêdîyayê û vera protestoyan şîdet zî zêdîyayo. Heta sere sibayî nê bajaran ra vengê guleyan ame. Goreyê malûmatan hêzanê rejîmî xo tayê kuçeyan ra anto.

Medreseyî ameyê vêşnayene

Vîdeoyêk medyaya sosyale ser ra ame parekerdiş û video ra aseno ke medreseyêk hetê şarî ra yena vêşnayene. 
Sanandajî de xeylê kesî 40ê Behesht Mohammadîyî de mezela ci ser de ameyê pêser. Hetê girseyî ra sloganê ‘Kurdistan Kurdistan goristana fatîştan’ ame eştene.

YENÎ YAŞAM

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.