Şar vera hêrîşanê kîmyewîyan şar werişt payan ser

Rojhelat û Îranî de 4 wendekarê keynekî bi hêrîşanê xazê jehrinî ameyê qetilkerdiş. Cinîyî vejîyayê kuçeyan û rejîm ame protestokerdiş.

Rojhelat û Îranî de 30ê Teşrîna Peyêne ra nat wendegehê domananê keynekan raştê hêrîşanê xazanê kîmyewîyan yenê. Meclîsa Mamosteyanê Zaningehan cinîyan rê gazîye kerde ke wa ver ana rewşe vejîyê kuçeyan. Gazîye ra dima cinîyî vejîyayê kuçeyan û camêrdan zî paştî da cinîyan.

Bajarê Senendecî yê Rojhelatî de xeylê kesî verê Wezaretîya Perwerdeyî de ameyê têhet û hêrîşê kîmyewîyî ameyê protestokerdiş. Girse bi pîl û sloganê Cinî, Cuye, Azadî ameyê eştene. Hêzanê rejîmî hêrîşa girseyî kerde. Hetê grûbe ra çalakîyî kuçeyan de dewam kerdê.

Mahabad de perwerde ame qedînayîş

Heto bîn ra Mahabad û dewanê derûdorê ci de perwerde ame qedînayîş. Hetê şarê Mahabadî ra vera hêrîşan tayê cayan de barîkatî ameyê ronayîş û adir ame wekerdiş. Cinîyî derûdorê adirî de ameyê pêser û hetê înan ra ‘Dîktatorî rê merg’ û ‘Cinî, Cuye, Azadî’ ameyê eştene. Şarî gazîye kerde ke, wa çalakîyî bêrê pîlkerdiş.

MERKEZÊ XEBERAN