Şar vera talankerdişê xoza û şerî Cûdî de ame têhet

duşem 19 îlonê 2022 - 09:01

  • Hemserekê DTKyî Berdan Ozturkî va, “Rayîrê ma rayîrê azadîye yo.”

Rayîrşîyayîşê Cûdîyî bi rayberîya DTK, TJA, DBP, HDP û Hereketê Ekolojîyî yê Mezopotamyayî ra ame organîzekerdiş. Şar seba ke ver bi Koyê Cûdîyî bikewo raye Şirnex de ame pêser. Tîya de polîtîkayê talanî û şerî hetê bi hezaran kesî ra ameyê protestokerdiş. 

Pêro rayîrî hetê eskeran ra ameyê girewtiş û înan v ama destûr nêdanê rayîrşîyayîşî. Demêk ra dima eskeran awe verda şarî ser û bombayê xazî eştê. Girse reyna zî vila nêbi, heta cayêk peya şi û tîya de çalakîya roniştişî ameye viraştene.

‘Şima nêşkenê ma biqedînê’

Hemserekê DTKyî Berdan Ozturkî tîya de qisey kerd û va, “5ê Nîsane 2015î de tecrîcê Rayberê Şarê Kurdî Abdullah Ocalanî ame girankerdiş û înan qerarêk da. Înan va ma do Kurdan biqedînê. Mabên ra 7 serrî vîyertê. Xeylê kesî ameyê qetilkerdiş. Qetilkerdişê merdiman bes nêkerd, înan cografyaya Kurdan vêşna. Bi qirkerdişê daristanan wazenê Kurdan biqedînê. Ma ewro no semed ra ameyê Botan. Ma waşt ver bi Cûdî rayra şorê. Şima çend vajê ma do şima biqedînê, ma zî vanê ma tîya de yê. Şima nêşkayê ma biqedînê, ewro zî şima do meeşkê. Şima bi faşîzm û nîjadperestî îqtîdar de yê. Ma azadîya şaran pawenê.Coka ma tîya de yê. Wazenê 4 leteyanê Kurdistanî de Kurdan çin bikerê. Ewro zî faşîstan hêrîşa dayîkan û ciwanan kerd. Ma do herinda daran de bi seyan daran ronê. Şima 90an de Cûdî vêşna la reyna bi zergûn. Ma heta ewro gamêk têpîya nêeşta, ma do ewro ra dima zî meerzê. Ma faşîstan ra vanê, şima do dişmenetîya Kurdan de bifetîsîyê û Kurdî do serbikewê.”

‘Polîtîkayê vengkerdişî’

Berpirsîyarê Komîsyonê Ekolojîyî yê HDPyî Nacî Sonmezî va, “Pêro partîyê demokratîkî, hereketê ekolojîyî, cinî û ciwanî raştê hêrîşan yenê. Kurdistan de daristanî û coğrafya bi mehneyê ewlehîye û polîtîkayanê şerî raştê talankerdişî yenê. Dewlete bi qirkerdişê daristanan wazena nê mintiqayan merdiman ra veng bikera. Ma waşt bale biancê polîtîkayanê talankerdişî la ma tîya de zî raştê hêrîşanê îqtîdarî ameyê. Qedexeyê kombîyayîş û çalakîyan meşru nîyê. Ganî verê polîtîkayê şerî û îşxalî bêrê girewtiş. Ma pêro hêzanê demokratîkan ra vanê, heta ke şima paştî medê xoverdayîşê Kurdistanî serkewtişêk awan nêbeno.”

MA / ŞIRNEX

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.