Seba azadîya Abdullah Ocalanî rayîrşîyayîş

Ciwanan seba azadîya Abdullah Ocalanî Dortmund ra ver bi Kolnî rayîrşîyaş da dest pêkerdene.

Hetê ciwananê Kurdan ê Ewrûpa û ciwananê enternasyonalîstan ra seba azadîya Abdullah Ocalanî Dortmund ra ver bi Kolnî rayîrşîyayîş da dest pêkerdene. Serê sibayî ciwanî ameyê pêser û eşkerayîye ra dima rayîrşîyayîş dest pêkerd. 

Bale ancîyaye tecrîdî ser

Ciwanan malumatê xo de va, “Ciwanê Kurdî do ciwananê enternasyonalîstan de yew bê, ver bi kapîtalîzm, faşîzm û kolonyalîzm xo ver bidê û serbikewê. Seba azadîya fizîkî ya Rayber Apoyî ma do xoverdayîşê xo pîl bikerê.”

‘Rayber Apo çaryek esro ke xo ver dano’

Ame dîyarkerdiş ke Ocalan emrê xo dayo azadîya cinîyan, demokrasî û ekolojîyî û ame vatiş ke, “Rayber Apo çaryek esro ke girawêke de xo ver dano. Binê şertanê giranan de û bi cezayanê dîsiplînan binê tecrîdî de yo. Destûr nêdîyeno ke awiqatanê xo û keyeyê xo de pêvînayîşan bikero. Ver ana bêheqîye ganî her kes wirzo payan ser.”

Gazîya beşdarbîyayîşî

Hetê ciwanan ra gazîye ameye kerdene ke ciwanî beşdarê rayîrşîyayîşî bibê. AMe vatiş ke, “Bêrê û bibê leteyê rayîrşîyayîşê ma. Bi ruhê Apocîyan ma ver bi azadîye şorîme.”

Teqwîmê rayîrşîyayîşî

Roja dîyine ya rayîrşîyayîş do Bochumr ra ver bi Essen, roja 3yne de do Oberhausen ra ver bi Duisburg, roja 4ine îstasyonê Neussî ra ver bi Dusseldorf û roja pancine ya 8ê Êlule de do Kolnî ra ver bi Mulheimî bêro kerdene û şan zî tîya de biqedîyo.

MERKEZÊ XEBERAN